[Filipino] UTLY -CHAPTER SIX-

"Bakla, tanggalin mo lahat ng kalyo at ingrown ko sa paa ha. Magkikita kasi kami ni Howard baka pati paa ko ay lapain niya," maarteng sabi ni Fujiko kay Varda bago sabay silang nagtawanan. 

Abala ang VV CREATIONS ng araw na iyon. Maraming customers ang naka line-up na matiyagang naghihintay para matugunan. Naroon siya dahil nakiusap ang bakla na mag extra muna siya dahil kulang sila sa plantilla. Biglaan kasi ang pag-absent ng isang tauhan nito na hindi man lang nagpaalam ahead of time. Out-of-service tuloy ngayon ang kanyang shop, pero naisip din niya na maliit na pabor lamang ito kumpara sa lahat ng naitulong ng kanyang pinsan sa kanya. Pinasadahan ng tingin ni Dria ang sexy at kasing puti ng labanos na si Fujiko. Regular customer na ito ng parlor simula pa lamang ng maitayo iyon. Bumaba ang tingin niya sa namumutok nitong dibdib na bahagyang nakalitaw habang nakahawak siya sa kanyang maliit ngunit mabilog na dibdib. Ayaw man niya ngunit hindi niya maiwasan ang ipagkumpara ang mga iyon. Hindi siya naiinggit sa umaapaw na mga dibdib ng sinuman ang problema nga lang ay nagtataka siya kung bakit ganun ang ipinagkaloob sa kanya. 

"Nagpipiko siguro ako ng mga panahon na nagsabog ng biyaya ang sanlibutan para sa mga kadedehan," bulong niya sa sarili. 

"Ouch, you're hurting me," reklamo ng babaeng kasalukuyan niyang binblow dry ang buhok. Nakalimutan niya ito dahil nga napokus ang atensiyon niya kay Fujiko.

Napatingin siya sa salamin at mabilis na nag sorry sa babae na sumimangot lamang sa kanya. Sanay na siya sa mga pagtataray at pag-iinarte ng iba't-ibang klase ng tao. Eksperto siya pagdating sa proper customer handling. Masasabi niyang hindi siya magpapahuli sa departamentong iyon. 

"Yung totoo? Marunong ka ba talaga mag blow dry?" nakataas ang kilay na tanong ng babae sa kanya.

Mabilis siyang tumango at hindi na lang pinatulan ang pagmama-asim ng babae. Mabuti na lamang at may mahaba siyang pasensya para sa mga katulad nito. Kalahating oras ang ginugol niya para magawa ang gusto nitong big waves sa buhok. Nagkandapaso pa nga ang kanyang daliri dahil ilang beses pang pinapasadahan ang ilang parte bago ito nakuntento sa kanyang gawa. 

"Okay na ma'am. Ready to gora na po kayo," ang sabi niya sa customer na ngayon ay nakangiti na nakatingin sa salamin sa harap nito. 

"Thank you, Dria. I love my hair and my new look," maligayang sabi ng huli. 

"Salamat po. Balik po kayo," sagot ni Dria matapos na bigyan siya ng tip ng paalis na customer. Mabilis niyang isinuksok iyon sa kanyang bulsa. 

Nilapitan niya si Varda at nagpaalam muna para lumabas mabilis na pumayag naman ito. Hindi niya alam kung saan siya patungo ngunit ang kanyang mga paa ay dinala siya sa harap ng Basilica. Ipinasya niyang pumasok sa loob niyon at naupo sa may gitnang hilera ng mga upuan. Ipinikit niya ang kanyang mga mata at tahimik na nag-alay ng isang panalangin. Saglit na minuto ang lumipas at natapos na rin siya roon. Palabas na siya sa malaking pintuan ng simbahan nang may bumunggo sa kanya. Nawalan siya ng balanse at alam niyang matutumba na siya kaya naman mabilis niyang naitukod ang kamay sa matigas na bagay. Napaisip siya kung pader ba o dibdib ng talaga ng tao ang nahawakan niya. Bahagyang pinisat pisat niya iyon. Mahinang tawa ang narinig niya mula sa kaharap. Itinutok niya ang paningin sa gray long sleeve shirt na suot ng taong kaharap niya. Mabilis din niyang inalis ang mga kamay doon dahil pakiramdam niya ay napaso siyang bigla. Nanlalaki ang kanyang mga mata dahil namukhaan niya ito. 

"Ikaw yung antipatikong supervisor sa hardware di ba?" 

Ngumisi ang lalaki at pinakatitigan siya ng maigi. "Im touched. The kid still remember me," cool na sabi pa nito. 

Matapos niyon ay nilampasan lamang siya nito. Sinundan niya ng tingin ang papalayong bulto nito na huminto sa dulong bahagi ng mga nakahilerang upuan. Nakita niya na lumuhod ito, pinagdaop ang mga kamay at yumuko. Palagay niya ay nagdarasal na ang lalaki base sa nakikita niya. Hindi niya napigilan ang pagsilay ng ngiti sa kanyang mga labi. Maka-diyos naman pala ang antipatikong tipaklong na ito. Muli pa ay pinagmasdan niya ang lalaki na nakatalikod sa kanya. Napansin niya ang malapad na likod nito at hindi niya maintindihan kung bakit parang nakakaramdam siya ng paghanga sa lalaking kinaiinisan rin naman niya. Naabala ang kanyang pagpapantasya nang marinig niya ang eskandalosang ringtone ng bulok niyang cellphone. Hiyang hiya siya sa mga taong nandoon na biglang napalingon kung saan siya nakatayo. Mabilis niyang dinukot ang phone sa kanyang mahiwagang dibdib. Nakatodo pa naman ang volume niyon dahil ginagamit niya na pang-alarm sa umaga. Dalawang text galing kay Varda ang naka rehistro doon. Tuluyan na siyang lumabas ng Basilica at sinimulang magtipa sa matigas na screen ng kanyang bulok na phone. Isang mabigat na buntong-hininga pa ang ginawa niya. Ipinasya niyang lumakad na pabalik sa parlor ng kanyang pinsan. Alas-syete pa lang ng gabi ay isinasara na nila ni Varda ang VV. May date raw ito at si Jonel kaya maaga itong nagsara. Niyaya siya ni Varda na sumama sa kanila dahil gusto daw nito bumawi sa ginawa niyang pagdu-duty para sa araw na iyon. 

"E di chaperone ang peg ko mamaya?" maarteng tanong niya kay Varda pero hindi masupil ang ngiti sa kanyang labi. Pinaikutan siya ng mata ni Varda at kinurot ng bahagya ang kanyang tagiliran. 

"Ang arte ng baklang 'to. Porque ba maganda ka ay hindi ka allowed maging chaperone?" tanong nito sa kanya. Pasimpleng iniipit niya sa likod ng tenga ang ilang hibla ng buhok at pa kyeme na nginitian ang baklita. 

"Yes, I'm fretty and I'm so proud of me," sagot niya habang pinalalantik ang mahahaba niyang pilikmata. 

Ang malakas na tawa ni Varda ang pumuno sa kanyang tenga. Halos maluha ito na nakatutok ang tingin sa kanya. "Hay nako, ibang level talaga yang bokabolaryo mo, Dria. Buti na lang talaga maganda ka e," naiiling na okray nito sa kanya.

 Hindi naman siya napipikon sa tuwing inookray siya ng baklang ito. Nasanay na siya sa mga tirada ng kanyang pinsan kaya hayun nga at tinawanan na lang niya ang komento nito. "Halika na nga. Siguruhin mo lang na mabubusog ako sa libre mo, ha." 

Ang alam niya ay dalawang buwan pa lamang na magkarelasyon ang mga ito. Ilang beses nang nagpapalit palit ng lalaki ang kanyang pinsan at saksi siya sa mga drama series nito sa tuwing nabibigo ang buhay pag-ibig nito. Sila ni Cream ang madalas na umaalalay dito sa mga panahong malungkot ito. Inubos niya ang natitirang lugaw sa kanyang mangkok bago inisa-isang tinusok ang ilang pirasong hiwa ng tokwa sa platito. Iyon ang napili niyang side dish. Abala naman sa pagpapa-bebe ang bakla at game na game naman ang jowa nito. Hindi niya maiwasan ang mapailing at sa hindi mabilang na pagkakataon ay bumuntong-hininga muli. Labis na kaligayahan ang nakikita niya sa mukha ng kanyang pinsan. At sino ba siya para hadlangan ang maliit na kagustuhan nitong sumaya? Inabot niya ang baso at sinalinan ng malamig na tubig bago inilapit sa kanyang bibig. Malakas na dumighay si Dria dahilan para lumingon si Varda. 

"Ano ba couz, kainis ka basta ka na lang nagbu-burp d'yan. Nakakahiya kaya sa baby ko," nakairap na sambit nito. 

Kinusot niya ang kanyang ilong bago sumagot. "Ang arte mong bakla ka ha. Hindi ko naman tantyado kung kailan ako didighay. Sorry na agad."

"Baby, sa bahay ka matulog ngayong gabi, ha," maharot na sabi ni Varda.

"Oo naman bibiko," mabilis na sagot ni Jonel.

 Bibiko? Anong palagay niya sa pinsan ko, kakanin? Nanulis ang nguso ni Dria. Pakiramdam niya ay maisusuka niya ang isang mangkok ng lugaw na kakakain niya lamang. Halos magkapalit na ang mukha ng dalawa sa kanyang harapan kaya minabuti niyang umalis na muna. 

"Insan, bibili lang ako ng yosi, ha," paalam niya pero hinila ng huli ang kanyang kamay. 

"Bruha, sino nagsabi sa'yo na pwede ka magyosi?" taas kilay na tanong nito. 

Hinila niya mula rito ang kanyang kamay at umismid. "Nauumay ako sa eksena niyong dalawa kaya maghahanap ako ng panghimagas."

Pinaikutan siya ng mga mata ng pinsan. Tumawid siya sa kabilang kalye at agad na narating ang pwesto saka mabilis na naglabas ng ilang barya. "Tatlong stick po ng malboro dark," sabi niya sa tindera. 

Iniabot niya ang bayad at madali rin naman na naibigay sa kanya ang sigarilyo. Ibinigay ng tindera sa kanya ang lighter kaya mabilis niya na sinindihan ito. Nakakaisang buga pa lamang siya nang biglang may pumitik ng yosi na nakaipit sa kanyang mga daliri. Naimbyerna siya nang bongga. 

"Siraulo ka, ah! Yosi ko--" nabilaukan siya ng usok na nagmula sa sigarilyo nang mapagtantong si Sixto pala iyon. Panay ang ubo niya kaya naman hinagod ng huli ang kanyang likod. 

"Di ba sabi ko sa'yo h'wag kang maninigarilyo." Sermon nito sa kanya. 

Hindi naman talaga niya bisyo ang manigarilyo. Ngunit nang araw na iyon ay feel niya lang talaga tumikim kahit ilang stick lang. Nilingon niya si Sixto na madilim ang mukha. Nakasuot pa rin ito ng police uniform at sa hinuha niya ay nagpa-patrolya ito sa lugar. Napakamot siya sa kanyang tuktok bago nagsalita.

"Eto o, may dalawang stick pa ako. Gusto mo sa'yo na?" alok niya. 

Lalong nagdilim ang mukha ni Sixto dahilan para tablan siya ng bahagyang takot. "Ang tigas ng ulo mo, Dria. Huwag mong sirain yung buhay mo dahil sa bisyo." Masungit na sabi pa nito sa kanya.

"Nagyoyosi lang, masisira na agad yung buhay? Grabe siya!" patawa-tawang sambit niya. 

Hinawakan ni Sixto ang kanyang kamay at inakay na siya palayo sa nagtitinda. Tumigil ito pasumandali at hinarap siya. "Sa susunod na makita kitang naninigarilyo, papasuin ko 'yang bibig mo gamit ang mga labi ko," pagbabanta nito. 

Mabagal niyang ikinurap-kurap ang mga mata at lakas loob na nagtanong. "Do you loves me?" 

Isang matamis na ngiti lang ang itinugon ni Sixto sa kanya.